G+ LoME Archive
Post CHRjd79y8Rh
James Coish, Quenya Chat, Tamas Ferencz, Robert Reynolds

Tamas Ferencz Apr 17, 2018 (10:21)

Merin nyare len pá i osto yasse sí séran: Budapest.

Sí rie *naþumo nán sisse, an háran Angalnóresse. Nostaina ostosse lárion lepenquain oa, túlelme hare sis as ontaronyar íre oianen koranari toloque. Ta handen sinome tere pella koranari *yuquain.
Budapest Mayarnóreo *hérosto. Lier oianer sisse oirello, mal koranari tuxa ar *nelquain lempe yá ostor nelde - Buda, Pest, ta Óbuda - olaner *ertaine ve Budapest.
I síre Duna (*Anduna) sirya tere i osto formenello hyarmenna. Buda ar Pest *lavéle nar: Buda ambuna ná, Pest lára. Yéni yá Pesto nómesse luxor lante.
Sí lie *yundóra oiar sisse. Náse vanima osto - íta *kekennalima (visitable).

Anin nyare pá i osto, opele yasse harille.

Tamas Ferencz Apr 17, 2018 (13:11)

kekennalima: *talmataina to i quetta lirustea ekuva men ké yuhta *kenestea

James Coish Apr 18, 2018 (01:57)

Talmataina...'based'?

Tamas Ferencz Apr 18, 2018 (07:08)

+James Coish ná

Robert Reynolds Apr 18, 2018 (16:28)

Máran sí nitya ostosse ya mo esta Torrington; i esse enyalien osto *Angaldóresse. John Brown nosonte sisse; rinkes lerya móler ar *kánusse nóreryo nakantes.

Torrington úra lairesse yo helka hrívesse. Tuilesse, vilya *vorwirya: s’ amalauka noa Elenyasse ananta hrinse noa lómesse. Forostali taurie; nende hare tasse. Quelli, kuimali oiar ara falasserya hrestarya. Koali yo malleli, yaron rimbe yáre, untupir ilye hyane astar i osto. Nóre i osto *linambuna ar síre *terkire nando; i *assíre lára.

Tamas Ferencz Apr 18, 2018 (16:49)

Manima *nórestasse ná Torrington?

Robert Reynolds Apr 18, 2018 (21:07)

+Tamas Ferencz Qui hanyan “*nórestasse” márie, Torrington osto ya mi *Konnehtikut, turmen, ya mi Vinya *Angaldóre, *ardeon, ya mi *Turmenasta *Ameriko. Torrington mi Litchfield, *turmeninke ya mi Konnehtikut, mal mo *yuhta *Konnehtikutye *turmeninki rie apakenien *apanyarien pá *vilwiste; *turmeninki yar mi hyane turmelli samir túrie *kánusser.

*nórestasse ‘?in a land system, collection, structure division of a country, county, state, shire’
*Konnehtikut ‘Connecticut’
turmen ‘*state’
*ardeon < arda-yon(de) [ve Sindarin “gardhon”] ‘province, large physical (not necessarily political/governmental) region’
*Turmenasta ‘United States; (lit.) particular instance of a system, collection, structure of states; alternately, (lit.) State-land’
*Amerika ‘America’
*Konnehtikutya ‘of or pertaining to Connecticut’
*turmeninke ‘county, small political/governmental realm’
*apanyar- ‘to foretell, predict’
*kánusse ‘government’

Tamas Ferencz Apr 18, 2018 (21:20)

+Robert Reynolds *nôresta "division of a country, county, state, shire"

Robert Reynolds Apr 19, 2018 (15:40)

+Tamas Ferencz *Konnehtikut *forróna *Turmenastasse. Minya li’ estane sa “Quinnehtukqut” ya tea “anduine-nóme” hya “ar’ anduine”: anduine *tersiry’ ampalda nando i nóreo endasse. I nóre lá yán’, ananta rimbe quelli harir sasse. Lan rie minye lieli máraner sasse, *nelka taure untúpane sa. Katar, quelli tulder han earello ar seruner i nórenna; latyaneltes restalínen yar unduláver ilqua. Sír, taureli enutúlier sanna. Ea hyarna hresta yasse rimbe herenye quelli oiar.

Tamas Ferencz Apr 19, 2018 (15:56)

+Robert Reynolds kesyalima! Merin mine auresse lelyuvan tanna. Nánen Bostonesse tere nótime ri nótime koranari yá, mal nés meter karaitie-yomenie ar lá naitie ekénien i osto hya i nóre.

Robert Reynolds Apr 19, 2018 (16:35)

+Tamas Ferencz Sa vanima nóme: íta *kenestea *ankenestea yo *kekénima, ve Budapest.
https://plus.google.com/photos/...

Tamas Ferencz Apr 19, 2018 (16:41)

+Robert Reynolds *tatallalima!