Post PbDLYmM5ohV

Tamas Ferencz Nov 29, 2017 (11:37)

Maira ré lyen illin! Nique sisse. I kemen faren helka, sie erendien *parkataine lóki, ar erdi i aiwin. Samimme "vére" aiwi i lillume tulir lotarwammanna: kukuar nelde; *morilúpi, filiki, ta rea karneambor; mal mauyane nin panya *miue-þostar i lotarwasse *itan i armaro miue la matuva i aiwi:)

--------
*parkataina "dried"
*morilúpe "blackbird" lit. black-plume
filit: here "sparrow"
*miue-þostar: "cat-repeller" (an electronic device to repel cats from the vicinity)
*itan "so that"

Robert Reynolds Nov 29, 2017 (20:39)

Haþal i aiwi tanen. Ná mána i aiweli oiar lotarwastasse. Vet aiwendili. Ter nessenya anen rukila taurenna ara koanya hirien síve; tasse keþtanen hráve kuimain. Sámen ter yana lúme ar same ena níle tamborin. Sí máran ostosse ananta ravanda mélamarinya. Lá polin kene hráve aiwi ostonyasse; etta rimbave nanwenin taurennali ar tane nómessen karin emmaltali ve sina. Lá miue matuva sina aiwe: *kasþolima *kastolima tamboro, ve quáko i mahta hatal!

__________
*kastolima "pileated" < *kastol- "to cap, (lit. to head-top)"
https://plus.google.com/photos/...

Tamas Ferencz Nov 29, 2017 (21:34)

(I doubt sþ is a valid cluster, would probably assimilate to ss)

Robert Reynolds Nov 29, 2017 (21:37)

+Tamas Ferencz (Thanks. I just updated it to the later spelling that doesn't use þ)

Tamas Ferencz Nov 29, 2017 (21:52)

(what did you mean by the first sentence? Did you pinch hatha- from Telerin?)

Robert Reynolds Nov 29, 2017 (21:54)

+Tamas Ferencz (You aid/treat kindly the birds in that way/by doing that.)
eldamo.org - Eldamo : Quenya : hasa-

Tamas Ferencz Nov 29, 2017 (21:56)

Tamas Ferencz Nov 29, 2017 (22:00)

+Robert Reynolds ananta, I ammelda aiwe nin i porokelle. Maxaina hya mastaina.

Robert Reynolds Nov 29, 2017 (22:28)

Lálan: sí merin mate! Tyáve porokelleva mára nin yú. Matita porokelle tuyla málenna. Lauka masta yo úle as i porokelle arya. Ar kilinyul quanta limpeo. :) I miue mere i porokelle almaxaina: rimbe satye méri...

Tamas Ferencz Nov 29, 2017 (22:44)

+Robert Reynolds​ ar lauka porokelle sulpa envinyata tye íqua kaimassea natye

Robert Reynolds Nov 29, 2017 (23:03)

+Tamas Ferencz Naitie. Ta mára queno hroa yo fean. Níqua sisse yú; nai ringe lá mauyuva i nalve illi kaimassie tana hríve. Úsie (although!) hrisse vanima:
https://plus.google.com/photos/...

Tamas Ferencz Nov 29, 2017 (23:26)

+Robert Reynolds ná, hríve vanima, í nas enwa hríve, as hrisse, aika ringa vilya, lossie (whiteness), Sinome Ingilnóresse losse hríve la rimba...

Robert Reynolds Nov 30, 2017 (00:56)

+Tamas Ferencz​​ Ta kesyea nin. Sanan i lauka nén i Earesse sire *Hyarandúmello Hyarnúmello Ingilnórenna ar tálo tyare hrívelyar lemya lauka lá rimbe exe nómeli Formesse. Ingilnóre ambela sinome, Vinya Ingilnóre, Formenna ananta karneambonyar utúvier kauma *motoinen ("via swamps", *moto < √MOT) matien pior koitan ter hríve. *Morilúpinyar vilder Hyarmenna asta atta auta. Ananta ena aika ringa vilya ké mára: lairesse vilya úra. Lasselanta yo tuile mára: lá amúra hya ankelka (am- + helka). Ahyale ter loa mára sinome.

James Coish Nov 30, 2017 (17:49)

+Robert Reynolds ta Hyarnustarello (from Numenór).

Tamas Ferencz Dec 01, 2017 (10:22)

Hlarnen noa i *palallaresse (radio, palan + lar, modelled on palantir) sa hrisse tuluváne Ingilnórenna, ta naitie hrinse i tolo rómenye falassessen. Ananta lá apakenin i hrisse tuluva sinna yasse oiamme: vessenya yo ni lillume quetimme sa ostomma tare mí "Bermuda neltil Ingilnóreo": íquallume naraka, saura, hya raxea *vilwiste (weather) tule i nórenna, illume menis ara emme...