I Nakie-téma

Navillo *pepella i tauresse sa i morko akárie nakie-téma ar nakuva ilye nastor i nar i témasse, ha þosta i kelvar.
Mettasse i nauro lá pole kole i horie, ar mene i morkonna. 'Aiya, morko, nánye i nakie-témalyasse?'
'É, nalye', i morko hanquéta.
'Þá, mal *annún na eke nin quete namárie nossenyan, mekin.'
'Þá.'
I nauro quete namárie nosseryan, ta i morko nake se.
I neuna arinesse i rusko mene i morkonna. 'Aiya, morko, inye yú ná i nakie-témalyasse?'
'Náto', i morko hanquéta.
'Þá, mal itas merin *annún quete namárie vessenyan ta hinyain.'
'Þá.'
I rusko quete métima namárie nosseryan ta i morko nake se.
I lopo hlare i sinyar ar yú mene i morkonna.
'Aiya, morko, ahlárien sa akáriel nakie-téma.'
'Náto, akárien.'
'Nánye sasse?'
'Ná.'
'Á lasta, eke lyen aukaritan i témallo?'
'Ná, tankave, manan lá?'

----
*pepella-: vb "circulate, orbit"; freq. of pel-
*annún: adv. "at least"