Gweniant im gared hen tadphae eneg oer io ah en henion!
GLÎR
E-MARGAIR
i en glinnar i•Ellath in•Gwaith Círdan i dartha vi Lond, eb i•Gair Vedui na Annûn gwannatha
Cenitha man i•margair, círol of falas vethen?
Hithu i•faer e•gath în, nallol be maewath naegui.
Tiritha man i•margair, gwilwileth fain vi 'wilith?
Gwanwen vi geleth Aear, rovath ben elin blabol,
Faltha di gair i•Aear, alagos trechad felyth,
Rovath nu Ithil sílar, orthelel gelaid fírir.
Hlathratha man i•lamath, 'lim ui húlath 'raurin?
Lamath ben lasseb dewair, glosui garchath gawel,
Paran nu Ithil faenol, pígol di Ithil baran,
Dannol nu chimring Ithil, naenol be ligy daenath,
Alagos dúath ruthrol, edrol i•iâ nu banas.
Cenitha man i•chostad, menel na Thû rithannen,
Emyn en•cae adlannol, eriol 'aearfelyth?
Pannol i•iâ i ammad, einior fuin anglennol,
Athar i•ngilith pennol, nathrol or veraid dhannen.
Tiritha man i•margair, rangen vi 'ondath delu?
Firel nu fain 'rogannen, Anor ben-ruin thinnol,
Dartha i•dû vi throndath, bronatha cair orvedui…
Cenitha man i•Annûn, thîn uin aur vethed?..
+#Tolkien +#Sindarin +#FixedForm +#Accentual
Tamas Ferencz Jun 01, 2015 (16:27)
Jonathon Omahen Jun 01, 2015 (18:22)